Inkluziva Demokratio – Niaj
Celoj
I.
La fundamenta kaŭzo de la aktuala multdimensia
krizo (politika, ekonomia, socia, ekologia, kultura) estas la
koncentrado de povo de manoj de diversaj elitoj, kiuj teniĝas kaj
reproduktiĝas per la dinamiko de la sistemo de merkata ekonomio (en ĝia
aktuala internaciigita formo) kaj ĝia politika komplemento, la
reprezenta “demokratio”, tio estas, la politika kaj ekonomia sistemo kiu
ekestis en Okcidento antaŭ nur du jarcentoj.
II.
Tial, la superado de la kronika krizo kiu komencis
kun la ekesto de tiu sistemo, kaj kiu estas gravigita en la lastaj jaroj
pro la internaciiĝo de la merkata ekonomio, ne estas ebla per la reformo
de la sistemo –kiel ĝi estas utopie asertata de civilaj movadoj,
organizaĵoj kaj ekologiismaj partioj, kiuj finfine agas tiel same kiel
la defendantoj de la sistemo. La superado de la krizo nur estas ebla per
la kreo de nova formo de politika, socia kaj ekonomia organizado kiu
certigus la egalan distribuon de la potenco inter la civitanoj tutkampe
(politike, ekonomie, socie kaj kulture). Inkluziva Demokratio, tial, ne
estas simple nova utopio, sed estas nova formo de socia organizado kiu
celas certigi egalecan distribuon de la povo tutkampe, kaj rezulte la
definitivan superadon del la aktuala multdimensia krizo. La fina celo
estas la kreo de Demokratia Tutmonda Ordo fundamentita en konfederacioj
de Inkluzivaj Demokratioj, kiuj anstataŭigu la tutmondan hierarkian
nuntempe validan ordon.
III.
Inkluziva Demokratio konsistigas la plej kompletan formon de Demokratio
ĉar ĝi certigas la insituciajn necesajn kondiĉojn por politika (aŭ rekta)
demokratio, ekonomia demokratio, demokratio en la socia kampo kaj
ekologia demokratio. En subjektiva nivelo, Inkluziva Demokratio baziĝas
sur la konscia elekto de la aŭtonomio de la civitoanoj, kaj ne sur
dogmoj, religioj kaj malraciaj sistemoj aŭ fermitaj teoriaj sistemoj,
kiuj forĵetas aŭ ekskludas diskutadon pri la bazaj fundamentoj de tiuj
kredoj.
IV.
Politika demokratio implicas la kreon de institucioj de rekta demokratio
en la politika kampo, tiel ke ĉiuj decidoj estu faritaj de popolaj
asembleoj (tio estas lokaj asembleoj de civitanoj en la kadro de la
distrikto) kiuj konfederaciiĝas regione, nacie, kaj laste en la
kontinenta kaj globa niveloj per delegitoj, kiuj povas esti tuj
senvaliditaj de la popolaj asembleoj. La funkcio de la regionaj, naciaj
kaj konfederaciaj asembleoj nur estas plenumi kaj kunordigi la
politikojn deciditaj de la lokaj popolaj asembleoj. Politika Demokratio
certigas, do, la reintegriĝon de la socio kun la politiko kaj
anstataŭigas la ŝtaton kiel aŭtoritato apartigita kaj kiu estas super la
civitanoj –organizo kiu, esence, konvertis ilin en regatoj.
V.
Ekonomia demokratio implicas la kreon de
institucioj de kolektiva proprieto de la produktadrimedoj (t.e., la
fonto de la socia riĉeco) kaj kolektiva kontrolo de tiuj tra la popolaj
asembleoj. La sistemo de la merkata ekonomio, kiu kondukis al la nuna
koncentriĝo de riĉeco en malplimultoj, kaj ankaŭ al la senlaboreco, la
subkontraktado, la malsekureco, la degradado de la sociaj servoj kaj la
ekologia katastrofo, estus anstataŭigita de novaj institucioj de
demokratia kontrolo de la produktadrimedoj celante kontentigi la bazajn
bezonojn de ĉiuj civitanoj, kaj ankaŭ certigi la plenan liberecon de
individua elekto pri la kontentigo de iliaj suplementaj bezonoj, en
konsento kun ilia elekto rilate la laboron kaj la libertempon. Ekonomia
demokratio certigas, do, la reintegriĝon de la socio kun la ekonomio,
kaj anstataŭigas la mon-merkatan ekonomion, kiu dividas la civitanojn
inter privilegiitoj, kiuj povas superkontentigi ĉiujn realajn aŭ imagajn
bezonojn kiujn ili povus havi, kaj la neprivilegiitoj, kiuj ne povas
kontentigi eĉ iliajn plej
bazajn bezonojn.
VI.
La demokratio en la socia kampo
implicas la kreon de institucioj por memmastrumado en la fabrikoj,
oficejoj kaj ĝenerale la lokoj de produktado, kaj ankaŭ en edukaj kaj
kulturaj institucioj (amaskomunikiloj, arto, ktp.). La laborulaj
konsilioj, studentaj konsilioj kaj tiel plu, certigas la memmastrumadon
de la centroj de produktado kaj de la edukaj centroj, gvidataj de la
ĝeneralaj celoj determinitaj de la popolaj asembleoj, kaj ankaŭ de la
preferoj de la civitanoj kiel produktantoj kaj ankaŭ kiel konsumantoj.
Modelo kiu priskribas kiel povus funkcii ekonomia demokratio ĝenerale,
kaj specife kiel la decidoj de la civitanoj kiel membroj de la popolaj
asembleoj povas interrilati kun la decidoj de la civitanoj kiel membroj
de la institucioj de memmastrumado , estas priskribita en la volumo 3,
numero 2 de la revuo Democracy and Nature,
kaj pli detale en la ĉapitro 6 de la libro
Towards a Inclusive Democracy
[1].
VII.
La ekologia demokratio implicas la kreon de iuj
institucioj kaj kulturo kiuj garantiu la reintegriĝon de la socio en la
naturo. Tio signifas ke la celo de la ekonomia aktiveco ne jam estos la
aktuala ekologi-katrastofa “disvolvo” kiu estas necesa pro la postuloj
de la konkurenco kaj la profit-avido, sed la kontentigo de la bezonoj de
ĉiuj civitanoj tiel, ke oni atingu veran kvaliton de vivo kiu nur
harmonia rilato inter socio kaj naturo povas garantii. La ekologika
demokratio, do, ne povas esti atingita en la aktŭala sistemo de merkata
ekonomio kaj ties rezulta “kreska ekonomio”, nek en neniu sistemo
direktita al la kresko, kiel la centraliza sistemo de la “reala
socialismo”.
VIII.
Inkluziva Demokratio ne estas la rezulto de
dialektika disvolvo de la naturo aŭ la socio determinita de iuj “leĝoj”
aŭ “tendencoj” de la natura aŭ socia evoluo, nek ankaux estas
alia utopio, kiel tiuj, kiuj ofte aperas en la liberecisma spektro.
Inkluziva Demokratio, sekve, estas neakordigebla kun ĉiu ajn ferma
teoria sistemo kaj evidente kun ĉiu ajn neraciismo, ĉu ĝi estas religia,
ĉu ne. La projekto de la Inkluziva Demokratio proponas la konstruo de
amasa movado, kiu estos la sintezo kaj ankaŭ la superado de la sociaj
movadoj por la demokratio, la aŭtonomeco kaj la socialismo, kaj ankaŭ la
novaj sociaj movadoj por la seksa, rasa aŭ etna egaleco.
IX.
La transiro al Inkluziva
Demokratio antaŭsupozas, do, la kreon de amasa movado je loka, regiona
kaj nacia niveloj, kaj fine je kontinenta kaj globa niveloj, kun la celo
anstataŭigi la sistemon de la merkata
ekonomio kaj la reprezentan “demokration”, per institucioj de rekta,
ekonomia, ekologia kaj socia demokratio. Tiu movado intervenas tutkampe
(politike, ekonomie, socie, ekologie kaj kulture) kun
la celo
krei novajn instituciojn kaj kulturojn. Tiu
interveno ne nur manifestiĝas per la kreo de alternativaj formoj de
individua aŭ socia vivo (“por doni ekzemplon”), per la rekta agado, aŭ
per la partopreno en la lokaj elektadoj, sed per la kombino de tiuj kaj
aliaj similaj formoj de agado – kun la kondiĉo ke ĉiuj tiuj aktivecoj
estu integra parto de tutmonda politika programo de radikala socia ŝanĝo
por Inkluziva Demokratio. La partopreno en la lokaj elektadoj (la
ununuraj elektadoj akordigeblaj kun la celoj de la Inkluziva Demokratio)
nur celas krei instituciojn kaj kulturon fundamentitajn sur la Inkluziva
Demokratio en socia signifa skalo. La fina celo estas la kreo de
kontraŭpovo rilate al la ekzista sistemo, per amasa konscieco estigita
de la lukto kontraŭ la ekzistantaj institucioj, kaj ankaŭ de la lukto
por la novaj institucioj kaj per la kreo de ĉi tiuj institucioj. Kiam la
plimulto de la civitanoj estos akceptinta la principoj de la demokratia
organizo kaj amase partoprenos en la novaj institucioj, tiam neniu povo
sur la Tero kapablos haltigi la kolapson de la malnova sistemo de
koncentrado de povo en malmultaj manoj –la kauzo de ĉiuj problemoj de la
plimulto de la homa raso
[2].
X.
La mezlonga-tempa celo estas la konstruo de
Reto por Inkluziva Demokratio kiu havos la celon krei demokratian
alternativan konsciecon, pere de la politika interveno kaj ankaŭ per
kulturaj aktivecoj, kun la fina celo kontribui al la kreo de vasta
politika movado de transiro al Inkluziva Demokratio. Unua paŝo en
tiu direkto povus esti la kreo de studaj grupoj kiuj havigu la
okazon por profundigi la konon de la aktivuloj pri la diversaj
aspektoj de la projekto de la Inkluziva Demokratio, incluzivigante
la decidan aspekton de la taktikoj kaj strategioj.